Home Breaking News जिल्हयात 175 कोरोनामुक्त, 81 पॉझेटिव्ह, 2 मृत्यु..

जिल्हयात 175 कोरोनामुक्त, 81 पॉझेटिव्ह, 2 मृत्यु..

194
0

यवतमाळ, दि. 3 जून : गत 24 तासात जिल्ह्यात कोरोनाबाधित रुग्णांपेक्षा बरे होणारे रुग्ण दुप्पट आहे. जिल्ह्यात 81 जण पॉझेटिव्ह तर 175 जण कोरोनामुक्त झाले असून 2 जणांचा मृत्यु झाला. यातील एक मृत्यु शासकीय वैद्यकीय महाविद्यालयात तर एक मृत्यु खाजगी रुग्णालयातील आहे.
जि.प. आरोग्य विभागातर्फे प्राप्त अहवालानुसार गुरूवारी एकूण 4605 जणांचे रिपोर्ट प्राप्त झाले. यापैकी 81 जण नव्याने पॉझेटिव्ह आले तर 4524 जणांचे रिपोर्ट निगेटिव्ह आले. सद्यस्थितीत जिल्ह्यात 990 रुग्ण ॲक्टीव्ह पॉझेटिव्ह असून यापैकी रुग्णालयात भरती 485 तर गृह विलगीकरणात 505 रुग्ण आहेत. तसेच आतापर्यंत एकूण पॉझेटिव्ह रुग्णांची संख्या 72179 झाली आहे. 24 तासात 175 जण कोरानामुक्त झाल्यामुळे जिल्ह्यात बरे झालेल्यांची एकूण संख्या 69419 आहे. आतापर्यत जिल्ह्यात एकूण 1770 मृत्युची नोंद आहे. जिल्हयात आतापर्यत 6 लक्ष 35 हजार 373 चाचण्या झाल्या असून त्यापैकी 5 लक्ष 62 हजार 257 निगेटिव्ह आहेत. सद्यस्थितीत जिल्ह्याचा पॉझिटीव्हीटी दर 11.36 असून दैनंदिन पॉझिटीव्हीटी दर 1.76 आहे तर मृत्युदर 2.45 आहे.
शासकीय वैद्यकीय महाविद्यालयात मृत्यु झालेल्यांमध्ये यवतमाळ शहरातील 59 वर्षीय पुरूष ,तर खाजगी रुग्णालयात वणी तालुक्यातील 72 वर्षीय महिलेचा मृत्यू झाला आहे .
पॉझेटिव्ह आलेल्या 81 जणांमध्ये 51पुरुष आणि 30 महिला आहेत. यात आर्णी येथील 1, बाभुळगाव येथील 4, दारव्हा येथील 2, दिग्रस येथील 11, घाटंजी 2, कळंब 0, महागाव येथील 3, मारेगाव येथील 3, नेर येथील 7, पांढरकवडा 6, पुसद येथील 14, राळेगाव 1, वणी येथील 14, यवतमाळ 8 तर झरीजामणी येथील 2 रुग्ण आहे.
जीएमसी, डीसीएचसी व खाजगी रुग्णालयात 1967 बेड उपलब्ध: जिल्ह्यातील शासकीय वैद्यकीय महाविद्यालय, 11 डेडीकेटेड कोव्हीड हेल्थ सेंटर आणि 34 खाजगी कोव्हीड हॉस्पीटलमध्ये एकूण बेडची संख्या 2279 आहे. यापैकी 312 बेड रुग्णांसाठी उपयोगात असून 1967 बेड उपलब्ध आहेत. यात शासकीय वैद्यकीय महाविद्यालयात एकूण 577 बेडपैकी 93 बेड रुग्णांसाठी उपयोगात असून 484 बेड शिल्लक, 11 डीसीएचसीमध्ये एकूण 526 बेडपैकी 95 रुग्णांसाठी उपयोगात तर 431 बेड शिल्लक आणि 34 खाजगी कोव्हीड रुग्णालयात एकूण 1176 बेडपैकी 124 उपयोगात तर 1052 बेड शिल्लक आहेत.

LEAVE A REPLY

Please enter your comment!
Please enter your name here