Home Breaking News जिल्ह्यात 81 जणांची कोरोनावर मात ; 39 जण नव्याने पॉझेटिव्ह

जिल्ह्यात 81 जणांची कोरोनावर मात ; 39 जण नव्याने पॉझेटिव्ह

113
0

* एकाचा मृत्यु
यवतमाळ, दि. 8 : शासकीय वैद्यकीय महाविद्यालयाच्या आयसोलेशन वॉर्ड, विविध कोव्हीड केअर सेंटर आणि कोव्हीड हेल्थ सेंटरमध्ये भरती असलेल्या 81 जणांनी कोरोनावर मात केल्यामुळे त्यांना रुग्णालयातून सुट्टी देण्यात आली आहे. तर गत 24 तासात जिल्ह्यात 39 जण नव्याने पॉझेटिव्ह आले असून वणी तालुक्यातील 48 वर्षीय एका पुरुषाचा मृत्यु झाला.
जिल्हा परिषदेच्या आरोग्य विभागातर्फे प्राप्त अहवालानुसार रविवारी एकूण 493 रिपोर्ट प्राप्त झाले. यापैकी 39 जण नव्याने पॉझेटिव्ह तर 454 जणांचे रिपोर्ट निगेटिव्ह प्राप्त झाले. जिल्ह्यात सद्यस्थितीत 301 ॲक्टीव्ह पॉझेटिव्ह आहे. तसेच आतापर्यंत एकूण पॉझेटिव्ह रुग्णांची संख्या 10524 झाली आहे.
आज 81 जणांना सुट्टी मिळाल्याने सुरवातीपासून बरे झालेल्यांची एकूण संख्या 9480 आहे. जिल्ह्यात आतापर्यंत 352 मृत्युची नोंद आहे. सुरवातीपासून आतापर्यंत 94634 नमुने पाठविले असून यापैकी 94275 प्राप्त तर 359 अप्राप्त आहेत. तसेच 83749 नागरिकांचे नमुने आतापर्यंत निगेटिव्ह आल्याचे जि.प. आरोग्य विभागाने कळविले आहे.

LEAVE A REPLY

Please enter your comment!
Please enter your name here